Skuat Persib Bandung dan Tagline #MenangBersama. (Persib.co.id)
GOROWOKBOBOTOH - Lain, ieu judul lain typo, éstuning mémang uing mah bingung kumaha maksudna ku nuliskeun mena88ersama, maksakeun teuing lamun niatna hayang dibaca jadi menang bersama.
Okéh, nu dipedar téh ngeunaan “menang bersama”. Uing ngarasa hémeng, tina jargon menang bersama téh sabenerna naon anu rék ditepikeun, sabab asa euweuh nu bisa ngajéntrékeun boh ti admin sosméd Persib, boh ti ménéjemén, malah mandar dina kasempetan bobotalk aya momen nalika pamaén Persib ditanya harti menang bersama téh kumaha, si pamaén ukur ngajawab nu ilahar, meunang babarengan antara tim jeung bobotoh.
Padahal lamun diadumaniskeun antara persib jeung budaya Sunda, apanan atra pisan padeukeutna. Jadi, nu kumaha menang bersama téh?
“Meunang jeung éléh sabenerna lain karakter urang Sunda anu primordial ngahuma”, ceuk Jacob
Sumardjo dina bukuna Sunda Pola Rasionalitas Budaya, pedalan taun 2010. Jacob nétélakeun yén meunang ceuk budaya Sunda mah lain meunang nu ukur ngéléhkeun musuh, ngéléhkeun musuh nepi ka musuh “béak” mah babari, tapi kumaha carana nyieun musuh éléh, ukur ku nyieun musuh teu walakaya tuluy ngaku taluk, sajalan jeung filosofi dina silat téa, salamet jeung nyalametkeun.
Yuk gabung channel whatsapp REPUBLIKBOBOTOH.COM untuk mendapatkan berita-berita terbaru tentang Persib, Bobotoh, Liga 1, dan ragam berita menarik lainnya seputar Bandung Raya. Klik di sini (JOIN)
Mangsa jayana baheula, persib dilandih Pangéran Biru mémang lantaran boga karakter kitu, karakter tegep, élegan, sopan, terampil, cerdas, jeung tangguh. Jago mah tara ngagul-ngagul manéh, kalem, tara loba omong, handap asor. Persib harita gé kitu, tara loba sesumbar, ukur ngabales ku imut lamun dilécéhkeun ku musuh, nyaho-nyaho musuh teu walakaya, dijieun taluk dina pertandingan, meunang
kalayan élegan.
Meureun ieu harti sabenerna tina “menang bersama” téh, meunang nu lain ukur keur tim sorangan, tapi musuh gé ngarasa meunang, lantaran diéléhkeun ku cara-cara élegan :)
Wilujeng tepang taun, Sib.
*Penulis aya dina twitter @gianhervyagi
Follow Berita Republik Bobotoh di Google News
